د جاهلانو په وړاندې د عالمانو د مقام عظمت؛له معظم رهبر سره د استاذانو د لیدنې په وخت د لګول شوي آیت پیغام
ایکنا خبری آژانس راپور راکړ، د غواي د میاشتې په دولسمه نیټه چې د ؛معلم ؛ ورځ په توګه لمانځل شوي،د اسلامی انقلاب له ستر لارښود سره د معلمانو او فرهنګیانو د کتنې په وخت د ؛زمر ؛سورې د نهم آیت یوه برخه ؛ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لَا يَعْلَمُونَ ( ؛آیا هغه کسان چې معرفت او پوهه لري، او هغه کسان چې له معرفت او پوهې بې برخې وي ،یو شان دي ، دحضرت آیت الله العظمی سید علی خامنه اي د وینا په ځاي کې لوړ نصب شوی ؤ چې له دغې ورخې سره په تناسب کې اوله معرفت او پوهې څخه د برخمنیدا په اهمیّت ټینګار دی.
دا جمله له منفي پوښتنې سره پیل شوې او د اسلام یوه برخه او اساسی شعار دی ، دجاهلانو په مقابل کې د عالمانو او علم د مقام عظمت روښانه کوي او لکه څنګه چې دغه نابرابري په مطلق ډول ذکر شوې ، معلومیږي دغه دواړه ډلې نه دخداي په درګاه کې یوشان دي او نه هم دخبرو اوپوهو انسانانو په نظر کې ، نه په دنیا کې په یوه صف کې دي او نه هم په آخرت کې . نه په ظاهر کې یو شان دي او نه هم په باطن کې ، په دغه آیت کې علم او پوهه یوه عامه معنا لري او درست علوم چې د انسان په ګټه وي پکې شاملیږي.
آیت دغه ټکی یادوي چې پیغمبر اکرم(ص) او الهی رهبران د خلکو د ویښولو او دعلم او معرفت ارزښت ته او پر جاهلانو د عالمانو برلاسي ته په متوجه کولو باندې مامور دي او د پیغمبر اکرم(ص) ماموریت ددغه روښانه حقیقت په اعلان سره چې عالمان له جاهلانو سره برابر نه دي،یوازې د خلکو د ویښولو او دعلم او معرفت لوړ ارزښت ته ددوي د متوجه کولو لپاره دی.
همداراز ددغه آیت بل پیغام دا دی چې معرفت او پوهه لرونکي له جاهلانو او نادانانو سره ، د شخصیّت او برخلیک له نظره یو شان نه دي او دا برلاسی د انسان په عقل او فطرت کې روه روښانه او څرګنده چاره ده.
له بل پلوه ، دغه آیت د هغه قرآني تربیتي پیغام لرونکی دی چې هغه هم تفکر او غور کولو ته هڅونه او د فکر رابرسیره کول دي.
ددغه آیت په دوام کې د «إنّما یتذکّر أُولوا الألباب»،په عبارت سره حقیقت پالنه او پند ترلاسه کول پر جاهلانو د عالمانو د برلاسي دلیلونه معرفي کوي او داځانګړنه د عقل سلیم نښه ګڼي.
نو ځکه له دغه آیت څخه په استفادې سره په ټولنې کې د عالمانو او متفکرانو او د دوي لازیات لوړ ځائيګي ته د احترام ضرورت او د علم او پوهې اهمیّت مشخص کوي. ځکه د علم او خبریدا او پوهې فضیلت پخپله علم او پوهې ته ورګرځي او د عالمانو او متفکرانو،علم او معلمانو احترام،پخپل ذات کې علم دی او نه یوازې دهغو کارندوالی او نتیجه،که څه هم د علم کارندوالي او دهغو آثار هم مهم دي .
پر دې اساس باید دمعلمانو او استاذانو ارزښت او کرامت درک کړو او دهغه قدرونه او درنښت وکړو او پوهه شو چېدټولنې علمي او معرفتي وده د استاد او عالمانو د علم له حقیقي درنښت او احترام پرته ممکنه نه ده.
https://iqna.ir/fa/news/4137989
